Rov Txog Lub Caij Mus Kawm Ntawv Dua Lawm!
posted
Tsav Tsheb Yam Nyab Xeeb thiab Saib Cov Cai Nyob Rau Cheeb Tsam Tsev Kawm Ntawv
Tam li yog kev xaus lus rau kev so lub caij ntuj sov, lub Nroog Madison Lub Khoos Kas Saib Xyuas Kev Hla Kev (City of Madison Crossing Guard Program) xav hais kom txhua cov neeg tsav tsheb muaj qhov ceev faj vim yuav rov qhib tsev kawm ntawv nyob rau tsis pes tsawg vij tom ntej no lawm.
- Hnub Friday, Lub Cuaj Hlis Ntuj Tim 1, Tsev Kawm Ntawv Madison Metropolitan School District yuav pib lub xyoo kawm tshiab rau qee qib kawm lawm.
- Txhua qib yuav rov pib kawm nyob rau hnub Tuesday, lub Cuaj Hlis Ntuj Tim 5.
Kev nyab xeeb ntawm peb cov me nyuam yaus thiab cov tub ntxhais kawm yog qhov tseem ceeb tshaj plaws, thiab vim li ntawd, peb xav ceeb toom qhia kom txhua cov tswv cuab ntawm lub zej zog nco ntsoov ua raws li cov cai hauv qab no rau qhov lub xyoo kawm tshiab yuav pib lawm:
Txo Kev Khiav Tsheb Ceev hauv Cheeb Tsam Tsev Kawm Ntawv: Qhov txwv tsis pub tsav ceev hauv cheeb tsam tsev kawm ntawv nyob hauv Madison yog 15 mph tshwj tsis yog ho muaj cim hom tseg ua lwm yam lawm xwb (txij li 20 mph). Nws tseem ceeb uas cov neeg tsav tsheb txo qhov khiav ceev thiab ua raws cov kev txwv qhov tsav ceev hauv cheeb tsam tsev kawm ntawv uas tau teev tseg. Kev txo qhov tsav ceev yog qhov tseem ceeb heev los txo qhov ntxim yuav ua rau muaj thiab ua rau tsheb sib nraus hnyav.
Ceev Faj Cov Neeg Mus Ko Taw: Yuav muaj neeg taug taw coob ib ncig cov tsev kawm ntawv uas yog txhais tau tias yuav pom muaj cov neeg musk o taw, xws li cov tub ntxhais kawm hla kev, taug taw ntawm ob sab ntug kev thiab chaw tos tsheb npav. Yuav tsum ceev faj thiab npaj nres rau cov neeg musk o taw, tshwj xeeb tshaj mas yog thaum ze rau qhov chaw hla kev.
Ua Raws Li Cov Lus Qhia txog Kev Pov Thaiv Kev Hla Kev Ntawm Tsev Kawm Ntawv: Yog tias lub tsev kawm ntawv tus neeg saib xyuas kev hla kev hais kom nres, ces tus neeg tsav tsheb yuav tsum nres thiab nres tos kom txog thaum cov neeg hla lev THIAB Tus Neeg Saib Xyuas Kev Hla Kev twb tawm ntawm txoj kev mus lawm thiab tus neeg saib xyuas kev hla kev tau txo nws daim paib nres lawm.
Zam Kev Tab Kaum: Kev tsav tsheb uas muaj qhov tab kaum yog ib yam uas muaj kev hnyav siab txog kev nyab xeeb. Muab cov xov tooj ntawm tes tso cia, zam txhob pub muaj kev tab kaum, thiab ua zoo saib kev.
Ua Siab Txias: Yuav muaj kev tsav tsheb coob ib ncig tsev kawm ntawv ncua sij hawm tuaj xa thiab tos me nyuam uas tuaj yeem tsim ua rau qeeb lig. Xyaum ua siab txias thiab coj cai thaum tsav tseb ze cov tsev kawm ntawv, thiab tso kev rau cov me nyuam yaus thaum yuav tau ua. Yog tias koj tsis xav khiav tsheb hla cheeb tsam tsev kawm ntawv, ces ua zoo xav hloov siv lwm txoj kev.
Vim tias peb pib lub xyoo kawm tshiab, ces sawv daws los ua hauj lwm ua ke los txo kev nyab xeeb thiab kev noj qab nyob zoo ntawm Madison cov me nyuam yaus. Los ntawm kev ua raws cov cai hauv cheeb tsam tsev kawm ntawv thiab xyaum ua kev ceev faj thaum tsav tsheb, peb yuav tuaj yeem tsim kom muaj kev nyab xeeb rau txhua tus.
Peb ua tsaug rau cov neeg tsav tsheb uas muaj kev koom tes thiab kev nquag plias los pab ua kom Madison cov kev tsheb muaj kev nyab xeeb dua qub tuaj rau txhua leej. Los ua kom lub xyoo kawm no yogi b xyoos muaj yeej tiav log rau txhua tus los ntawm kev muab kev nyab xeeb saib ua ntej tshaj plaws!
Hais txog rau cov lus qhia paub ntau ntxiv, thov mus saib Lub Khoos Kas Saib Xyuas Kev Hla Kev nplooj vev xaib los sis sau ntawv ncaj qha mus rau cov thawj coj saib xyuas ntawm crossingguards@cityofmadison.com
Links
Images
Cov Feem Hauj Lwm:
