Pab Npaj Rau Lub Neej Yav Pem Suab: Nroog Madison pib ua hauj lwm txog Cov Phiaj Xwm Hauv Cheeb Tsam Sab Hnub Poob Qab Teb, Sab Hnub Tuaj Qab Teb

Cov neeg ua hauj lwm hauv Nroog Madison tau pib ua hauj lwm rau ob Txoj Phiaj Xwm Kev Npaj Hauv Cheeb Tsam tom ntej no, Txoj Phiaj Xwm Kev Npaj Rau Cheeb Tsam Sab Hnub Poob Qab Teb thiab Sab Hnub Tuaj Qab Teb, tom qab tau txais kev tso cai los ntawm Pab Pawg Muab Kev Sab Laj Zoo Sib Xws nyob rau thaum pib Lub Kaum Hlis Ntuj. Tam sim no lawv tab tom thov kom koj koom nrog lawv ntawm cov koob tsheej pib kev ua hauj lwm ob qho nyob rau hauv cov lim tiam yuav los txog tom ntej no txhawm rau kawm paub ntau ntxiv txog tus txheej txheem thiab txoj hau kev kom muaj feem xyuam koom nrog thaum ntxov.

Txoj Phiaj Xwm Kev Npaj Rau Cheeb Tsam Sab Hnub Poob Qab Teb thiab Sab Hnub Tuaj Qab Teb yuav yog zaum thib peb thiab thib plaub ntawm txoj phiaj xwm kev npaj hauv cheeb tsam 12 txoj phiaj xwm kev npaj hauv Cov Ciaj Ciam Kev Npaj uas tau hloov kho dua tshiab uas tau pom zoo los ntawm Pab Pawg Muab Kev Sab Laj Zoo Sib Xws nyob rau xyoo 2022. Nqe lus txib ntawm txoj phiaj xwm tau txais kev txiav txim los ntawm cov txuam thawj tseeb ntau yam, suav nrog cov zej tsoom ntawm cov neeg uas nyob rau hauv cheeb tsam uas npaj thiab seb cheeb tsam ntawd puas tau muaj txoj phiaj xwm npaj los hloov chaw rau tsis ntev los no. Ib feem ntawm Lub Nroog uas tau muaj txoj phiaj xwm kev npaj qub dhau uas teev tseg los sis tsis muaj txoj phiaj xwm kev npaj twg li uas tau muab tes hauj lwm uas yuav tsum tau ua xub thawj nyob rau hauv Cov Ciaj Ciam Kev Npaj uas tau hloov kho dua tshiab.

Feem ntau ntawm Cheeb Tsam Sab Hnub Tuaj Qab Teb tsis tau muaj txoj phiaj xwm kev npaj dua uas tau tshwj tseg cia li, tab sis ib txhia ntawm Cheeb Tsam Sab Hnub Poob Qab Teb tau muaj cov phiaj xwm qub zog (muaj qee cov uas muaj hnub nyoog ntau tshaj 30 xyoo txog xyoo 1990) uas xav tau kev hloov kho dua tshiab txhawm rau kom haum raws li cov kev xav tau rau hauv cheeb tsam zej zog zoo dua qub tuaj.

Txhawm rau pab hais daws cov kev xav tau no, Nroog Madison yuav tau nthuav tsa lub koob tsheej txoj phiaj xwm pib hauj lwm tim ntsej tim muag nyob tau hnub Tuesday, Lub Kaum Ib Hlis Ntuj Tim 19, 2024 pib thaum 6:30 teev tsaus ntuj ntawm Lub Tsev Kawm Ntawv Theem Nrab Toki rau Txoj Phiaj Xwm Kev Npaj Rau Cheeb Tsam Sab Hnub Poob Qab Teb thiab hnub Wednesday, Lub Kaub Ob Hlis Ntuj Tim 4 pib thaum 6 teev tsaus ntuj ntawm Lub Tsev Kawm Ntawv Theem Siab La Follette txog Txoj Phiaj Xwm Kev Npaj Rau Cheeb Tsam Sab Hnub Tuaj Qab Teb. Tag nrho ob lub koob tsheej yuav yog hom koob tsheej qhib tsev tos qhua, uas yuav tso cai rau sib tham yam tsis raws kev raws cai ntawm cov tswv cuab hauv lub zej zog thiab cov neeg ua hauj lwm hauv Nroog.

Tsis tas li ntawd, yuav muaj kev teeb nthuav tsa lub koob tsheej hauv oos lais uas yog yuav teeb tsa thaum Tav Su – 1:00 teev tav su thiab 6:00 teev tsaus ntuj – 7:00 teev tsaus ntuj nyob rau Hnub Tuesday, Lub Kaum Ob Hlis Ntuj Tim 3 txog Txoj Phiaj Xwm Kev Npaj Rau Cheeb Tsam Sab Hnub Poob Qab Teb thiab thaum tav su – 1:00 teev tav su nyob rau hnub Thursday, Lub Kaum Ob Hlis Ntuj Tim 5 txog Txoj Phiaj Xwm Kev Npaj Rau Cheeb Tsam Sab Hnub Tuaj Qab Teb rau cov neeg uas tuaj koom tsis tau hauv lub koob tsheej pib ua hauj lwm tim ntsej tim muag no.

“Txhua txoj phiaj xwm rau cheeb tsam yog ib qho kev qhia rau yav pem suab ntawm peb cov koog zej zos, yog li ntawd nws thiaj li yog ib qho uas tseeb ceeb heev uas cov pej xeem nyob rau hauv yuav tsum muaj feem koom nrog rau hauv tus txheej txheem kev npaj ua hauj lwm,” uas yog Tus Tswv Nroog Satya Rhodes-Conway tau hais tseg. “Lub koob tsheej no yuav yog koj thawj lub hwv tsam qhia txog koj cov kev cia siab, cov kev npau suav thiab cov kev txhawj xeeb nrog Lub Nroog, yog li ntawv peb thiaj li tuaj yeem yuav muab tso ua ke nrog rau hauv tus txheej txheem kev npaj thiab hais txog lawv nyob hauv txoj phiaj xwm kawg nkaus.”

Cov neeg sawv cev tuaj ntawm ntau lub thawj fab saib xyuas hauj lwm ntawm Nroog Madison yuav tau nqis tes ua kiag ntawm lub koob txheej no txhawm rau teb cov lus nug uas nug los ntawm cov tswv cuab hauv zej zog hais txog tus txheej txheem thiab ncua sij hawm txog txoj phiaj xwm hauv cheeb tsam, thiab txhawm rau los txheeb sau cov tswv yim pab thaum ntxov los ntawm cov pej xeem hais txog yam uas lawv xav pom kom coj mus txiav txim siab rau hauv cov phiaj xwm kev npaj.

“Lub koob tsheej pib hauj lwm no kuj yuav muab lub hwv tsam rau cov pej xeem uas nyob rau hauv ib cheeb tsam no kom tau ntsib thiab kawm paub ntau ntxiv txog kev ua hauj lwm ntawm lwm cov chaw ua hauj lwm ntawm Lub Nroog — suav nrog kev tawm qauv vaj tse, cov chaw ncig ua si, thiab Kev Siv Tsheb Thauj Xa Neeg Mus Los Hauv Nruab Tiv (Metro Transit). Tus pej xeem cov lus pab tswv yim nyob rau hauv Txoj Phiaj Xwm no pab qhia tias tsis yog kev ua hauj lwm ntawm Feem Saib Xyuas Hauj Lwm Rau Txoj Phiaj Xwm Kev Npaj nkaus xwb, tab sis kuj tseem suav nrog kev ua hauj lwm ntawm ntau cov chaw ua hauj lwm hauv Lub Nroog thiab,” Meagan Tuttle uas yog Tus Thawj Coj ntawm Lub Nroog Madison tau hais tseg.

Zoo tib yam li Txoj Phiaj Xwm Kev Npaj Rau Cheeb Tsam Sab Hnub Poob thiab Sab Hnub Tuaj Qab Teb, Txoj Phiaj Xwm Kev Npaj Rau Cheeb Tsam Sab Hnub Poob Qab Teb thiab Sab Hnub Tuaj Qab Teb thaum kawg lawm yuav suav nrog cov lus qhia rau txhua cov teeb meem uas tau hais txog los ntawm Lub Nroog Txoj Phiaj Xwm Kev Npaj Meej Txhij Txhua: Kev Siv Av thiab Kev Siv Tsheb Thauj Xa Neeg Mus Los, Cov Koog Zej Zos thiab Vaj Tsev, Kev Khwv Nyiaj Txiag Lag Luam thiab Lub Hwv Tsam, Kab Lis Kev Cai thiab Xeeb Ceem Kev Coj, Xyoob Ntoo thiab Kev Thev Taus, Tsoom Fwv Ua Hauj Lwm Tau Zoo, Kev Noj Qab Haus Huv thiab Kev Nyab Xeeb. Yuav tsim Lub Tswv Yim Kev Nqis Tes Tsim Kho Hauv Zej Zog rau cheeb tsam uas muaj pej xeem nyob coob uas muaj kev khwv nyiaj tau los tsawg.

Txoj Phiaj Xwm Hauv Cheeb Tsam Sab Hnub Poob thiab Txoj Phiaj Xwm Hauv Cheeb Tsam Sab Hnub Tuaj tau txais kev tso cai uas yog muaj kev txhawb nqa yam dav fo los ntawm Pab Pawg Muab Kev Sab Laj Zoo Sib Xws rau thaum ntxov ntawm lub xyoo no tom qab muaj kev hloob paub me ntsis uas tau ua los ntawm ntau Pawg Thawj Coj Saib Xyuas hauv Nroog Madison, Pawg Thawj Coj Saib Xyuas Rau Fab Nyiaj Txiag, thiab Pab Pawg Neeg Dhia Hauj Lwm nyob rau thaum ua tus txheej txheem kev pom zoo kawg nkaus. 
Cov ntawv kawg nkaus ntawm tag nrho Txoj Phiaj Xwm Hauv Cheeb Tsam Sab Hnub Poob thiab Txoj Phiaj Xwm Hauv Cheeb Tsam Sab Hnub Tuaj tam sim no tau muab tshaj tawm lawm.

Ncua Sij Hawm Kev Nthuav Tawm Rau Zej Tsoom Sawv Daws

Pab pawg saib xyuas kev npaj txoj phiaj xwm twb tau pib suav sau cov ntaub ntawv keeb kwm thiab cov ntaub ntawv hais txog cov cheeb tsam kev npaj txoj phiaj xwm Sab Hnub Poob Qab Teb thiab Sab Hnub Tuaj Qab Teb thiab tau pib kev sib sab laj nrog cov neeg muaj feem xyuam hauv cheeb tsam zej zog, 
cov koom haum koog zej zos, thiab lwm cov neeg hais txog kev xav tau ntawm cheeb tsam zej zog.

Tom qab lub koob tsheej pib ua hauj lwm tau pib lawm, yuav muaj ntau lub hwv tsam los qhia txog koj txoj kev xav nrog rau cov neeg ua hauj lwm huav Nroog hauv xyoo tom ntej: yuav xa cov ntawv ntsuam xyuas txog pej xeem mus rau cov neeg uas nyob rau hauv cheeb tsam kev npaj txoj phiaj xwm yam tsis xaiv neeg li nyob rau Lub Ib Hlis Ntuj Xyoo 2025, kev sib sab laj nrog pej xeem zaum thib ob txhawm rau xaus cov lus pab tswv yim uas tau txais los ntawm cheeb tsam zej zog uas yuav muab teeb tsa rau Lub Ob Hlis Ntuj Xyoo 2025, thiab cov neeg ua hauj lwm hauv Nroog yuav mus ncig saib cov lag luam nyob rau lub caij nplooj hlav. Daim ntawv qauv qhia cov lus muab tswv yim qhia xub thawj yuav raug tshaj tawm qhia rau ntawm cov rooj sab laj nrog pej xeem zaum thib peb nyob rau lub caij ntuj sov ntawm xyoo 2025.

Cov tswv cuab ntawm zej tsoom sawv daws yuav muaj lub hwv tsam los muab cov lus pab tswv yim ua ke ntawd, uas tej zaum yuav ua rau muaj kev kho ntxiv rau cov qauv phiaj xwm. Vam thiab cia siab tias daim ntawv ua qauv kawg ntawm Txoj Phiaj Xwm Kev Npaj Rau Cheeb Tsam Sab Hnub Poob Qab Teb thiab Sab Hnub Tuaj Qab Teb yuav tau txais kev tshab xyuas thiab kev pom zoo los ntawm Cov Thawj Coj Hauv Lub Nroog, Cov Thawj Coj Saib Xyuas Rau Fab Nyiaj Txiag thiab Pab Pawg Neeg Dhia Hauj Lwm thiab Pab Pawg Muab Kev Sab Laj Zoo los ntawm thawj peb lub hlis ntawm xyoo 2026.

Thoob plaws tus txheej txheem no, cov neeg ua hauj lwm hauv Nroog yuav qhia cov ntaub ntawv kev hloov pauv tshiab hais txog yam uas lawv hnov los ntawm cov pej xeem nyob rau hauv cov koob txheej muaj kev sib koom tes, thiab tsim kho cov ntaub ntawv los pab piav qhia qee yam ntawm cov ncauj lus yuav sib tham txog fab tev niv ntau ntxiv uas yuav tshwm sim nyob rau lwb sij hawm ua tus txheej txheem kev npaj phiaj xwm. Cov ntaub ntawv no, ua ke nrog daim ntawv swb muab ntaub ntawv qhia paub thiab cov rooj sib tham cov ntaub ntawv teev tseg, yuav raug muab tshaj tawm qhia rau saum phab vas sab ntawm lub khoos kas.

Yuav muab cov ntsiab lus meej tseeb ntau ntxiv hais txog cov koob tshej kev muaj feem xyuam ntawm pej xeem yav pem suab yuav tshaj tawm rau hnub tom qab. Nyob rau lub sij hawm no, cov neeg uas xav tau cov ntaub ntawv hloov pauv tshiab hais txog txoj phiaj xwm hauv cheeb tsam tuaj yeem rau npe ua tswv cuab kom tau txais tsab ntawv ceeb toom hauv e-mail uas hloov kho tshiab nyob hauv Nroog Madison cov phab vev xaib txog Txoj Phiaj Xwm Hauv Cheeb Tsam Sab Hnub Poob Qab Teb ntawm Txoj Phiaj Xwm Hauv Cheeb Tsam Sab Hnub Tuaj Qab Teb.