- English
- Hmoob
Pawg Sab Laj Pom Zoo Cov Nyiaj Pab rau Cov Kev Pab Cuam Rau Cov Neeg Laus
posted
Lub Nroog Madison Pawg Sab Laj tau kos npe nyob rau hnub Tuesday yav hmo ntuj ze li ntawm $950,000 hauv cov nyiaj pab rau 13 lub koom haum hauv zej zog uas pab cov neeg laus hauv Madison. Cov kev txiav txim siab ntawd yog qhov tshwm sim los ntawm cov txheej txheem kev thov nyiaj pab uas siv sij hawm ntev.
Cov khoom plig, uas suav nrog cov nyiaj pab ntau dua $100,000 uas ntxiv rau cov txheej txheem peev nyiaj nyob rau xyoo tas los, yuav pib siv tau txij li xyoo 2025 mus. Txij li xyoo 2016 yuav xam tias yog thawj xyoo uas muab cov nyiaj pab rau cov neeg laus.
Cov nyiaj pab uas tau txais los ntawm Lub Nroog Madison Feem Hauj Lwm Tsim Kho Zej Zog. Hauv kev teb rau qhov kev thov rau cov lus pom zoo uas tau tawm nyob rau lub caij nplooj ntoos zeeg dhau los, cov neeg ua hauj lwm tau txais daim ntawv thov li 15 daim uas thov tau nyiaj tag nrho ntau dua $1.6 lab – ua rau cov nyiaj uas muaj nyob nce ua ob npaug thiab hais kom Pawg Sab Laj nce nyiaj ntxiv rau hauv cov peev nyiaj uas nyuam qhuav dhau los no.
Kev txiav txim siab tshwm sim tau li cas
Txawm tias yuav muaj nyiaj ntxiv lawm los xij, tab sis kuj tseem muaj qhov nyuaj heev hauv kev txiav txim siab uas tsim nyog. Hauv kev tsim cov lus pom zoo rau Pawg Sab Laj, CDD cov neeg ua hauj lwm tau txiav txim siab cov ntaub ntawv los ntawm pab pawg tshab xyuas suav nrog cov neeg sawv cev hauv zej zog ze li kaum lub koom haum koom tes los sis paub txog kev txhawb nqa cov neeg laus.
Lub hom phiaj tseem ceeb ntawm cov txheej txheem kev npaj cov peev nyiaj txiag no yog txhawm rau ncav cuag cov khoos kas thiab cov kev pab cuam rau ntau pab pawg neeg laus, suav nrog cov neeg lwm xim nqaij thiab lwm cov neeg uas raug muab pov tseg los tas li. Kev ntaus nqi xyuas kev ncaj ncees ntawm haiv neeg los ntawm Lub Nroog cov neeg ua hauj lwm hauv xyoo 2021 qhia kom pom tias cov kev pab cuam tsis tuaj yeem ncav cuag txhua tus neeg uas muaj kev xav tau. Cov kev tshawb pom no tau txheeb xyuas nyob rau xyoo 2023 los ntawm kev ua hauj lwm hauv kev koom tes nrog Equity By Design, uas yog tus kws pab tswv yim hauv zos, nrhiav kev kawm ntxiv txog cov teeb meem uas cov pab pawg neeg tsis txaus ntseeg ntsib hauv kev nkag cuag tau rau cov neeg laus cov kev pab cuam. Kwv yees li 300 tus neeg nyob hauv Madison tau qhia txog lawv cov tswv yim rau qhov kev siv zog ntawd.
Hauv cov lus qhia rau cov neeg thov kev pab cuam uas xa mus nyob rau xyoo tas los, Lub Nroog tau qhia tias nws tab tom nrhiav nyiaj pab rau kev siv zog uas tsom kwm mus rau cov neeg laus uas khwv tau nyiaj tsawg, uas muab kev saib siab ntawm kev ua kom paub tseeb tias cov khoos kas thiab cov dej num ua tau raws li cov kab lis kev cai thiab lus teb rau txhua tus neeg nyob hauv – suav nrog cov neeg uas txheeb xyuas tias yog lwm xim nqaij (BIPOC), LGBTQIA+ los sis cov neeg uas tsis paub lus Askiv.
Tsis tas li ntawd, vim tias kev thauj mus los yog ib qho teeb meem uas cov neeg laus coob leej yuav tau ntsib hauv kev nkag cuag tau rau cov kev pab cuam, cov koom haum tau hais kom sim tsom mus rau cov khoos kas thiab cov kev pab cuam rau cheeb tsam hauv Madison uas muaj cov neeg laus nyob ntau heev – tshwj xeeb tshaj yog hauv qhov chaw uas hu ua “qhov chaw uas muab saib siab rau kev ncaj ncees,” uas yog suav cov ntaub ntawv pej xeem, Cov Pawg Saib Xyuas Ntaub Ntawv hauv Lub Nroog Madison tau txiav txim siab tias muaj cov neeg laus uas yog BIPOC thiab cov neeg laus uas khwv tau nyiaj tsawg muaj nyob coob heev.
Hauv kev ntsuam xyuas cov lus pom zoo txog kev npaj nyiaj txiag, pawg neeg tshab xyuas tau txiav txim siab txog cov xwm txheej uas muaj feem xyuam xws li keeb kwm ntawm kev muab kev pab cuam rau cov neeg laus hauv lub chaw hauj lwm, cov neeg ua hauj lwm li kev paub dhau los, nws lub luag hauj lwm hauv kev hais daws qhov tsis txaus ntseeg hauv kev pab cuam, kev cuam tshuam txog kab lis kev cai, kev sib koom tes nrog tsev neeg thiab cov zej zog, koom tes nrog lwm tus neeg muab kev pab cuam, cov txiaj ntsig cia siab tias yuav tau txais thiab thaj chaw uas yuav tau txais kev pab cuam. Txawm hais tias cov koom haum sawv cev tsis tas yuav tsum nyob rau hauv qhov chaw uas saib qhov tseem ceeb txog kev ncaj ncees, tab sis cov koom haum no yuav raug hais kom piav qhia txog lawv txoj hauj lwm los sis kev koom tes nrog lwm lub koom haum sawv cev tuaj yeem ncav cuag cov neeg nyob hauv los sis nyob ze cov chaw ntawd.
Thaum kawg lawm, Pawg Sab Laj tau pom zoo kom nthuav dav ntau lub koom haum uas tau txais nyiaj ntau txhawm rau los pab nthuav dav cov chaw thiab nthuav dav ntawm cov koom haum sawv cev pab txhawb cov neeg laus hauv Madison.
Yolanda Shelton-Morris Tus Thawj Tswj Xyuas Hauj Lwm Kev Pab Cuam Zej Zog hauv Nroog Madison tau hais tseg tias “Peb xav tias pab pawg no sawv cev rau kev sib xyaws ua ke zoo ntawm cov koom haum uas tau tsim los thiab tsis tshua muaj npe uas tuaj yeem ncav cuag tag nrho cov neeg laus hauv peb lub zej zog,”. “Raws li qhov npaj txhij ntawm cov peev txheej muab kev pab uas txaus lawm yog qhov ib txwm nyuaj, peb qhov kev cov nyom thiab lawv qhov nyob rau tam sim no, yog los tsim kom muaj kev sib koom ua ke thiab kev sib koom tes kom ruaj khov uas muaj ntau tshaj qhov tau txais ntawm nws qhov chaw tag nrho.”
Kev Npaj Nyiaj Pab
Feem Hauj Lwm Tsim Kho Zej Zog tau pom zoo kom Pawg Sab Laj npaj nyiaj pab rau 13 lub koom haum sawv cev ntawm tag nrho 15 lub koom haum sawv cev uas tau thov tuaj. Ntawm cov ntawd, xya lub koom haum sawv cev tseem tsis tau txais nyiaj pab los ntawm Lub Nroog txhawm rau los ua hauj lwm pab rau cov neeg laus thiab tsib lub koom haum tshiab tau los thiab pab rau cov neeg lwm xim nqaij.
Kev npaj nyiaj pab zaum kawg muaj li no:
Lub Koom Haum Sawv Cev | Xam Tag Nrho Cov Nyiaj Uas Tau Thov | Nyiaj pab |
Bayview Foundation | $46,600 | $46,600 |
Goodman Community Center | $30,000 | $30,000 |
Neighborhood House Community Center | $12,000 | $12,000 |
Outreach, Inc. | $20,000 | $20,000 |
Bridge Lake Point Waunona Neighborhood Center | $137,200 | $128,935 |
Freedom, Inc. | $70,000 | $40,000 |
NewBridge Madison | $627,969 | $400,000 |
African Center for Community Development | $25,000 | $13,040 |
Southeast Asian Healing Center, Inc. | $115,000 | $55,000 |
IP Ministries | $120,000 | $45,000 |
The Hmong Institute | $175,000 | $86,935 |
Urban Triage | $150,000 | $45,000 |
RSVP of Dane County | $85,670 | $19,399 |
FOSTER of Dane County | $50,000 | $0 |
Lussier Community Education Center | $12,712 | $0 |
XAM TAG NRHO | $1,677,151 | $941,909 |
Txawm hais tias cov koom haum feem ntau yuav tau txais nyiaj tsawg dua qhov kev thov, tab sis qhov kev muab nyiaj rau ntau lub koom haum yuav ua rau muaj kev pab cuam ntau dua rau cov neeg nyob hauv los sis ze rau thaj chaw muaj kev ncaj ncees thiab txhawb nqa ntau lub lab npauv ntawm cov chaw pab cuam ntau dua qub.
Cov Kauj Ruam Txuas Ntxiv
Tam sim no Pawg Sab Laj tau pom zoo muab pov peev nyiaj uas tau npaj cia lawm, cov neeg ua hauj lwm hauv Feem Hauj Lwm Tsim Kho Zej Zog yuav pib ua hauj lwm raws li kev cog lus nrog cov koom haum uas tau txais nyiaj pab. Cov ntawv cog lus yuav pib siv tau nyob rau hauv tsis pes tsawg lub lim tiam thiab pib siv tau mus txog rau thaum xaus ntawm lub xyoo. Cov ntawv cog lus yuav tsum tau rov txuas hnub nyoog hauv txhua xyoo, raws li qhov hauj lwm tau ua thiab cia siab tias yuav txuas ntxiv ua mus li plaub xyoos.
Cov Feem Hauj Lwm:
