Nyob rau lub caij ntuj no dhau los no pom tias Lub Nroog Madison muaj kev ua txhaum cai txog thob daus tawm mus rau kev tsheb tsawg zog lawm
posted
Raws li pom tias tsis muaj daus ntau nyob rau lub caij ntuj no dhau los no, Lub Nroog Madison Chav Hauj Lwm Ntsuam Xyuas Tsev tau txais cov ntawv tsis txaus siab txog kev thob daus tawm tsawg tshaj li lub caij ntuj no tag los lawm.
Txij li Lub Kaum Hlis Ntuj Tim 1, 2024, mus txog rau Lub Peb Hlis Ntuj Tim 31, 2025, Lub Nroog tau txais cov ntawv tsis txaus siab txog kev thob daus tawm los ntawm cov neeg nyob rau hauv lub nroog xam tag nrho muaj 553 daim, uas nqis los ntawm 866 daim nyob rau tib lub sij hawm ntawm lub xyoo dhau los. Nyob rau hauv 553 daim ntawv tsis txaus siab ntawd, muaj 182 daim tau tsim ua rau tus tswv vaj tsev uas cuam tshuam tau txais cov ntawv nplua thiab raug nplua. Thaum muab sib piv, tau tawm cov ntawv nplua xam tag nrho muaj 325 daim nyob rau lub caij ntuj no xyoo 2023-2024.
Qhov poob qis ntau yog tshwm sim los ntawm kev muaj daus los nyob rau lub caij ntuj no ntawm xyoo no tsawg tshaj li lub xyoo dhau los lawm. Txij li Lub Kaum Hlis Ntuj Tim 1, 2024, txog rau Lub Peb Hlis Ntuj Tim 31, 2025, pom tias Lub Nroog muaj daus poob thaj tsam li 22.1 inches – uas tsawg tshaj 15 inches rov sauv raws li peb pom nyob rau tib lub sij hawm hauv xyoo 2023 txog 2024.
Txawm tias peb yuav pom muaj daus los tsawg nyob rau hauv Madison nyob rau lub caij ntuj no ntawm xyoo no los, Chav Hauj Lwm Ntsuam Xyuas Tsev yeej tseem tau txais cov kev tsis txaus siab hais txog qhov siv ntsev ntau dhau nyob rau lub caij nyoog no ntau tshaj li nyob rau lub xyoo dhau los. Muaj kev xa cov ntawv tsis txaus siab hais txog kev siv ntsev ntau dhau xam tag nrho muaj 133 daim mus rau Lub Nroog, thaum muab piv nrog rau lub xyoo ua ntej no uas muaj li 108 daim. Cov ntawv tsis txaus siab ntawd tau tsim ua rau muaj 17 daim ntawv ceev toom yam uas raug raws cai, tab sis tsis muaj ib daim twg ntawm cov ntawv ceeb toom ntawd tsim ua rau muaj cov ntawv nplua. Xyoo dhau los, tau tawm 12 daim ntawv ceev toom txog kev siv ntsev ntau dhau, uas ua rau muaj ob daim ntawv nplua.
Yog tias tsis muaj daus los loj nyob rau Lub Plaub Hlis Ntuj, ces kev mob siab rau yuav yog mus saib rau cov cai tswj lub caij nplooj ntoo hlav. Tam li yog ib qhov kev ceeb toom kom nco, cov tswv vaj tsev tsim nyog ua kom ntseeg siab tias tej nroj tsuag uas loj hlob nyob rau ntawm lawv tej vaj tsev yeej tsis hlav mus rau sab ntug kev uas pej xeem taug mus los. Dhau li no lawm, thaum nyom pib hlav, lub nroog txoj cai teeb tseg tias kom yuav tsum txiav nyom kom tsis pub siab tshaj li 8 inches.
Yog tias koj pom muaj teeb meem nyom los sis nroj tsuag fab, ces koj tuaj yeem xa tau daim ntawv tshaj tawm hauv oos lais thiab ib tug tswv cuab ntawm cov neeg ua hauj lwm Ntsuam Xyuas Tsev mam li tuaj ntsuam xyuas.
Cov Feem Hauj Lwm:
