Madison Ua Kev Zoo Siab Lub Vij Nco Txog Tus Laus Pab Pov Thaiv Kev Hla Kev

Lub Xeev Wisconsin tau muab lub vij thaum lub Ib Hlis Ntuj Tim 9 Ua Kev Zoo Siab Lub Vij Nco Txog Tus Laus Pab Pov Thaiv Kev Hla Kev. Lub Nroog Madison xav ua kev nco txog 58 tus Pab Pov Thaiv Kev Hla Kev uas ua hauj lwm nyob ntawm kev sib tshuam thoob plaws lub nroog pab cov me nyuam mus rau hauv tsev kawm ntawv.

Lub Ib Hlis Ntuj yog lub sij hawm zoo ntawm lub xyoo los nco txog tus laus uas tau mus ua cov pov thaiv kev hla kev nyob hauv Madison, feem ntau lawm lawv ua hauj lwm nyob rau thaum muaj huab cua tsis zoo ua rau pom mus tsis deb. Cov hli lub caij ntu no pheej nyiam pos huab, ces thiaj yuav tau muaj cov laus mus pab pov thaiv kev hlab kev nyob rau ntau qhov chaw ua kom ntseeg tias cov me nyuam thiab lawv tsev neeg mus tom tsev kawm ntawv tau nyab xeeb txhua hnub.

"Cov xuab moos yav nruab hnub luv lawm, huab cua txias, thiab zee zaum los daus los sis muaj nag ua dej khov, lub Ib Hlis Ntuj thiaj yog lub hlis rau peb los Pab Pov Thaiv Kev Hlab Kev", raws li Renee Callaway hais, Tus Lis Hauj Lwm Saib Xyuas Cov Neeg Taug Taw thiab Caij Tsheb Kauj Vab. "Lub Vij Kev Ua Tsaug Rau Kev Pov Thaiv Kev Hla Kev yog ib txoj hauv kev peb ua kev nco txog lawv rau lawv tej kev pab cuam uas muaj nqis los pab kom peb cov me nyuam thiab cov tsev neeg nyab xeeb."

Koj qhia tau koj qhov kev ua tsaug los ntawm kev yoj tes nco txog los sis hais tias ua tsaug no. Txawm li cas los, txog hauv kev ua kev nco txog uas zoo tshaj plaws rau peb Cov Kev Pov Thaiv Kev Hla Kev yog los paub txog yam yuav ua thaum peb mus txog qhov chaw pov thaiv kev hla kev mus rau hauv tsev kawm ntawv.

• Tsav tsheb kom qeeb.
• Nco ntsoov saib cov paib ceeb toom hais kom tsav qeeb nyob rau Cheeb Tsam Tsev Kawm Ntawv.
• Muaj kev ceev faj vim muaj cov me nyuam nyob rau ntawd los sis nyob ze qhov chaw hla kev.
• Thaum tus pov thaiv tsa lawv daim paib kom nres (stop), nres li ntawm 10 ruam tom qab thiab nres tos kom txog thaum cov me nyuam THIAB tus pov thaiv kev hla kev mus txog rau ntawm tus ntug kev.

Txhua tus pab tau ua kom nyob muaj kev ceev faj!

Los nrhiav saib ntxiv txog ntawm Nroog Madison lub khoos kas Pov Thaiv Kev Hla Kev (Crossing Guard Program) los sis los thov ua ib tus Pov Thaiv Kev Hla Kev, mus saib peb lub Vev Xaib Pov Thaiv Kev.