Koom Nrog Kev Tawm Suab rau Lub Neej Yav Tom Ntej Kom Zoo Dua: Cov Koob Txheej Kev Cia Pej Xeem Los Koom Nrog Tau Tshaj Tawm rau Pej Xeem Kev Tshab Xyuas DAIM QAUV ntawm Txoj Phiaj Xwm rau Cheeb Tsam Sab Hnub Tuaj Qaum Teb
posted
Lub Nroog Madison tab tom caw cov zej zog txhawm rau los muab cov lus tawm tswv yim thaum muaj koob tsheej nyob rau lub qab hlis no nyob rau Pej Xeem Kev Tshab Xyuas DAIM QAUV ntawm Txoj Phiaj Xwm rau Cheeb Tsam Sab Hnub Tuaj Qaum Teb uas tab tom los yuav txog.
Pab pawg ua hauj lwm rau Txoj Phiaj Xwm rau Cheeb Tsam Sab Hnub Tuaj Qaum Teb hauv Nroog tau ua hauj lwm raws li txoj kev npaj txij thaum Lub Ib Hlis Ntuj 2023 txhawm rau los muab lub zeem muag pom tseeb rau yav tom ntej ib puag ncig ntawm cheeb tsam thaum hais txog ntau yam ntsiab lus, suav nrog vaj tse, tsheb kauj vab thiab kev sib txuas ntawm cov neeg taug kev, txoj kev sib txuas, kev txhim kho kev lag luam, chaw ua si, thiab lwm yam. Ib yam li lwm cov phiaj xwm hauv Nroog, Txoj Phiaj Xwm rau Cheeb Tsam Sab Hnub Tuaj Qaum Teb yog ib txoj kev npaj mus ncua sij hawm ntev. Nws yuav coj cov kev hloov pauv uas tshwm sim nyob rau ntau xyoo uas dhau los lawm.
"Peb zoo siab ua tsaug rau ntau tus neeg nyob thoob plaws thaj tsam Sab Hnub Tuaj Qaum Teb uas tau siv sij hawm txhawm rau los qhia lawv cov lus qhia tseem ceeb txog Txoj Phiaj Xwm rau Cheeb Tsam Sab Hnub Tuaj Qaum Teb. Lawv txoj kev koom tes yog qhov tseem ceeb hauv kev tsim kom muaj kev sib koom ua ke thiab muaj kev vam meej yav tom ntej, thiab peb zoo siab tos ntsoov yuav koom tes nrog cov neeg nyob hauv lub lim tiam tom ntej no," Sabrina Madison Tus Thawj Coj hauv Cheeb Tsam 17, Derek Field Tus Thawj Coj hauv Cheeb Tsam 3, thiab Amani Latimer Burris Tus Thawj Coj hauv Cheeb Tsam 12 tau hais hauv kev sib koom ua ke. "Tshaj tawm los ntawm cov neeg nyob hauv kev tawm tswv yim, Txoj Phiaj Xwm no yog tsom kwm mus rau kev hloov pauv mus rau thaj tsam Cheeb Tsam Sab Hnub Tuaj Qaum Teb, kev hloov pauv ntawm cheeb tsam East Towne, rov txuas nrog peb cov zej zog hla dhau kev thaiv lub cev xws li txoj kev loj, thiab tsim cov zej zog lub peev xwm txhawm rau los txhawb lawv cov chaw nyob."
Txoj Phiaj Xwm rau Cheeb Tsam Sab Hnub Tuaj Qaum Teb suav nrog peb thaj chaw uas muaj cai tsim nyog tau txais li $ 650,000 ntawm tsoom fwv cov peev nyiaj txhawm rau los txhawb cov phiaj xwm kev loj hlob hauv zej zog: Sandburg, Burke Heights, thiab Hawthorne- Truax. Cov lus qhia ntawm Hawthorne Truax- Cov Kev Tawm Tswv Yim Txog Kev Nqis Tes Ua hauv Zej Zog (Community Action Strategy, CAS) uas tau tsim los ntawm Txoj Phiaj Xwm 2023 Hawthorne Truax Neighborhood thiab tau muab tso rau hauv Txoj Phiaj Xwm no.
Pej Xeem Kev Tshab Xyuas DAIM QAUV ntawm Txoj Phiaj Xwm rau Cheeb Tsam Sab Hnub Tuaj Qaum Teb tau muab tso ua ke tom qab ntau lub koom txoos kev cia pej xeem los koom nrog, nrog cov lus tawm tswv yim los ntawm Txoj Phiaj Xwm rau Cheeb Tsam Sab Hnub Tuaj Qaum Teb cov neeg nyob rau hauv thiab cov neeg uas muaj feem cuam tshuam txhawm rau los pab coj lub zeem muag mus rau thaj chaw ntawv. Pej Xeem Kev Tshab Xyuas DAIM QAUV yuav muab tso rau ntawm tus vev xaib ntawm lub khoos kas thaum lub lim tiam thaum Lub Tsib Hlis Ntuj Tim 20 txhawm rau kom ntseeg tau tias txhua tus neeg muaj lub hwv tsam uas yuav los tshab xyuas nws ua ntej ntawm feem ntiag tug thiab cov koob tsheej saum huab cau uas tau teeb tsa thaum Lub Tsib Hlis Ntuj Tim 28 – Lub Tsib Hlis Ntuj Tim 30.
Cov koom txoos tim ntsej tim muag:
Lub Tsib Hlis Ntuj Tim 29, 2024 ntawm Qhov Chaw Ncig Ua Si Reindahl, Thaum 5:00 teev tsaus ntuj -8:00 teev tsaus ntuj
(Yog muaj nag los, lub koob tsheej no yuav qhib nyob rau ntawm East Madison Community Center ntawm 8 Straubel Ct.)
Lub Tsib Hlis Ntuj Tim 30, 2024 ntawm Qhov Chaw Ncig Ua Si Sycamore Thaum 5:00 teev tsaus ntuj -8:00 teev tsaus ntuj
(Yog muaj nag los, lub no yuav muaj qhib nyob rau ntawm lub chaw Madison Streets East ntawm 4602 Sycamore Ave.)
Yuav muaj pizza noj rau ntawm cov koob tsheej no kom txog thaum khoom tag lawm.
Cov koob tsheej saum huab cua:
Lub Tsib Hlis Ntuj Tim 28, 2024 lub sij hawm 6:00 teev tsaus ntuj hauv Zoom
Yuav tsum tau sau npe
Lub Tsib Hlis Ntuj Tim 29, 2024 thaum Tav Su hauv Zoom
Yuav tsum tau sau npe
Txhua cov koob tsheej yuav muaj cov ntsiab lus tib yam, yog li ntawv cov tswv cuab hauv zej zog tsuas yog tuaj koom ib lub rooj sib tham txhawm rau los qhia lawv cov lus tawm tswv yim. Ib tug neeg ua hauj lwm uas hais lus Mev (Spanish) yuav muaj nyob rau ntawm txhua lub rooj sib tham txhawm rau los pab.
"Kev koom nrog zej zog yog qhov tseem ceeb ntawm Madison txoj phiaj xwm ua kom nkag siab txog qhov kev xav, kev xav tau, thiab kev xav tau ntawm cov neeg nyob hauv, kev lag luam thiab lwm tus tswv cuab hauv zej zog," Bill Fruhling Tus Thawj Coj Feem Hauj Lwm Saib Xyuas Txoj Phiaj Xwm Ib ntus tau hais tias.
Tom qab cov rooj sib tham rau pej xeem no thiab tshab xyuas cov lus tawm tswv yim rau pej xeem, cov neeg ua hauj lwm yuav tsim daim Phiaj Xwm Kawg ntawm DAIM QAUV rau kev tshab xyuas ntxiv thiab tawm tswv yim los ntawm cov pawg thawj coj hauv Nroog, pawg txiav txim, thiab pawg txiav txim, uas yuav tawm tswv yim kho ntxiv. Qhov Phiaj Xwm Kawg DAIM QAUV - thiab ib qho kev hloov kho uas tau pom zoo los ntawm pawg thawj coj, pawg txiav txim, thiab pawg txiav txim - yuav raug tshab xyuas los ntawm Pawg Xab Pha. Cov lus pom ntawm cov neeg nyob hauv Qhov Phiaj Xwm Kawg DAIM QAUV yuav raug txiav txim siab los ntawm Lub Nroog cov pawg thawj coj, pawg txiav txim, pawg txiav txim, thiab Pawg Xab Pha.
Kawm Paub Ntxiv
Koj tuaj yeem nrhiav cov ntaub ntawv ntxiv txog Txoj Phiaj Xwm rau Cheeb Tsam Sab Hnub Tuaj Qaum Teb, suav nrog cov ntaub ntawv kaw tseg thiab cov ntawv swb yav dhau los, ntawm tus vev xaib Txoj Phiaj Xwm rau Cheeb Tsam Sab Hnub Tuaj Qaum Teb.
Cov Feem Hauj Lwm:
