Bikers on John Nolen for Ride the Drive.
City of Madison

Nroog Madison paub zoo txog Lub Hlis Kev Ua Tswv Tsev Hauv Teb Chaws

posted 

Nroog Madison muab siab rau los ua kom kev ua tau tus tswv tseg tshwm sim tau thiab ruaj khov rau cov pej xeem, tam li yog ib feem ntawm Lub Nroog qhov kev cog lus mus rau kev nkag cuag tau rau vaj tse nyob uas muaj kev nyab xeeb, ruaj ntseg, thiab tsis kim heev tau zoo dua rau txhua leej. Hauv kev ua koob tsheej ntawm Lub Hlis Kev Ua Tswv Tsev Hauv Teb Chaws, peb xav txhawb siab kom cov pej xeem hauv Madison tshawb nrhiav txog ntau lub khoos kas uas Lub Nroog muab los pab cov neeg yuav tsev nyob thawj lub thiab txhawb nqa rau cov tswv tsev tam sim no hauv kev tswj xyuas lawv cov thaj av vaj tse. Cov kev siv zog no tau muab tsim tawm los uas muaj kev koom tes nrog cov koom haum nyob hauv zej zog.

YOG TIAS KOJ TAB TOM NRHIAV YUAV KOJ THAWJ LUB TSEV

Puas xav tau kev pab nrog kev them nqi ua hli thiab cov nqi tag nrho?

Kev Yuav Tsev Txoj Kev Npau Suav Ntawm Neeg Meskas: Lub khoos kas no muab kev pab rau kev them nqi ua hli thiab cov nqi kawg nkaus siab txog $35,000 rau cov neeg yuav lawv thawj lub tsev uas muaj cai raws li qhov nyiaj khwv tau los. Koj tuaj yeem tsim nyog tam li yog tus tswv tsev thawj lub yog tias koj tseem tsis tau ua tswv tsev hauv peb lub xyoos dhau los. Nrhiav cov ntsiab lus ntxaws ntxiv ntawm www.cityofmadison.com/homeloans.

Puas xav tau kev pab kom nkag siab txog tus txheej txheem kev yuav tsev?

Kev Npaj Kom Txhij thiab Kev Kawm Txog Fab Nyiaj Txiag thiab Tus Tswv Av: Lub Nroog cov neeg koom tes nrog cov koom haum hauv zej zog los muab ncua kev sib tham txog kev npaj txhij fab nyiaj txiag thiab kev kawm rau tus tswv tsev thoob plaws lub xyoo. Kuaj xyuas cov koob tsheej yuav muaj tom ntej no ntawm www.cityofmadison.com/homeloans.
 

Lub Koob Tsheej Muab Kev Pab Cuam Rau Kev Ua Tswv Tsev: Hauv Lub Rau Hlis Ntuj Tim 29 txij thaum 9 Teev Sawv Ntxov txog 1 Teev Tav Su, tuaj koom nrog peb ntawm Lub Chaw Sib Tham Txog Chaw Lag Luam ntawm Urban League los kawm paub hais txog kev yuav tsev thiab kev ua ib tug tswv tsev. Lub Koob Tsheej Muab Kev Pab Cuam Rau Kev Ua Tswv Tsev yuav muab cov ntaub ntawv qhia paub tseem ceeb, cov cuab yeej khoom siv, thiab cov chaw muab kev pab cuam los nrhiav txoj kev taug mus rau kev ua tswv tsev. Kawm paub ntau ntxiv ntawm www.takerootwi.org/events.
 

YOG TIAS KOJ TWB UA TSWV RAU KOJ LUB TSEV LAWM

Puas xav tau kev pab txog kev txhim kho lub tsev kom zoo tuaj?

Lub Khoos Kas Kev Txhim Kho Vaj Tsev Tseem Ceeb thiab Me Ntsis: Lub Nroog ua hauj lwm nrog Lub Khoos Kas Vaj Tse los muab kev kho tsev, cov kev kho kev nkag cuag tau rau, thiab cov kev txhim kho lub zog hluav taws xob. Kawm paub ntau ntxiv ntawm www.projecthomewi.org.
 

Habitat rau Kev Ua Neeg Nyob ntawm Cheeb Tsam Nroog Dane: Habitat muab lub khoos kas kev kho vaj tse me ntsis. Kawm paub ntau ntxiv tau ntawm www.habitatdane.org.
 

Puas xav tau kev pab them nqi se vaj tse thiab puas muaj hnub nyoog 65 xyoos los sis laus dua?

Kev Pab Them Nqi Se Vaj Tse rau Lub Khoos Kas Nyiaj Txais Rau Cov Neeg Laus: Lub khoos kas no pab kom cov tswv tsev uas muaj cai tsim nyog uas muaj hnub nyoog 65 xyoos los qiv nyiaj los them rau cov nqi se vaj tse tau uas muab piv rau lawv lub tsev tus nqi. Tau them rov qab cov nyiaj txais thaum muag lub tsev, qhov no txhais tau tias tsis muaj cov kev them nqi hauv txhua hli. Yog xav paub ntxaws ntxiv, mus saib hauv www.cityofmadison.com/homeloans.

TIV TOJ PEB

Lub khw muag vaj tse nyob tuaj yeem yog ib qho nyuaj kawg, tab sis peb yuav nyob ntawm no pab koj ua kom tiav koj lub hom phiaj kev ua tus tswv tsev. Yog xav paub ntau ntxiv, hu rau peb ntawm 608-266-6520 los sis xa email tuaj rau peb tau ntawm homeloans@cityofmadison.com.

Cov Feem Hauj Lwm:
Nplooj ntawv no puas pab tau koj?