Madison Lub Xab Phas Txoj Cai Txog Khoom Noj Khoom Haus Tshaj Tawm Kev Muab Peev Nyiaj Pab SEED Ua Ntu Zus hauv Xyoo 2025
posted
Madison Lub Xab Phas Txoj Cai Txog Khoom Noj Khoom Haus tshaj tawm kev muab Peev Nyiaj Pab SEED Ua Ntu Zus hauv Xyoo 2025 (SEED Grants) txhawm rau los daws cov teeb meem kev nkag cuag tau rau khoom noj khoom haus hauv peb lub zej zog. SEED Grants yog cov nyiaj pab me-me tsim los txhawb cov khoos kas tshiab thiab tsis ntev los no los sis cov khoos kas uas txhawb kev nkag cuag khoom noj khoom haus txhawm rau pab kom muaj kev noj qab nyob zoo hauv peb lub zej zog.
Cov Peev Nyiaj Txiag hauv Lub Nroog Madison hauv Xyoo 2025 yuav suav nrog cov nyiaj pab dawb li $50,000 uas yuav muab faib los ntawm Madison Lub Xab Phas Txoj Cai Txog Khoom Noj Khoom Haus. Madison Lub Xab Phas Txoj Cai Txog Khoom Noj Khoom Haus tab tom txhawb nqa txhua lub koom haum, pab pawg, los sis lub chaw sawv cev uas mob siab rau kev ua kom tuaj yeem nkag cuag tau rau tej khoom noj khoom haus rau cov neeg nyob hauv nroog Madison ua kev thov. Txhua lub tswv yim uas yuav txhim kho lub lab npauv khoom noj khoom haus hauv zos yuav raug muab coj los tshuaj xyuas. Pob peev nyiaj pab siab tshaj plaws ntawm ib qho nyiaj pab twg yuav raug txwv txog li $10,000.
Cov neeg nyiam raug xav thov yuav tsum mus rau ntawm Lub Nroog Madison SEED Grants lub vev xaib rau cov ntaub ntawv thov kev pab thiab daim foos thov. Daim ntawv yuav tag sij hawm nyob rau hnub Friday, Lub Ob Hlis Ntuj Hnub Tim 21, 2025 ua ntej 11:59 yuav tav su, thiab yuav tsum muab xa mus rau Madison Lub Xab Phas Txoj Cai Txog Khoom Noj Khoom Haus ntawm mfpc@cityofmadison.com.
Cov ntawv thov yuav raug muab tshab xyuas thiab muab cov lus pom zoo hais txog fab nyiaj pab xa mus rau Madison Lub Xab Phas Txoj Cai Txog Khoom Noj Khoom Haus los ntawm SEED Grants Pawg Tshab Xyuas ntawm Madison Lub Xab Phas Txoj Cai Txog Khoom Noj Khoom Haus nyob rau lub Peb Hlis Ntuj Hnub Tim 2025.
Cov kev txiav txim zaum kawg yuav raug muab tshaj tawm nyob rau thaum lub Peb Hlis Ntuj 2025. Cov lus nug ntxiv tuaj yeem xa email tau mus rau mfpc@cityofmadison.com thiab cov neeg ua hauj lwm yuav teb yam sai li sai tau.
Cov Feem Hauj Lwm:
