1. Resources for the Madison Community

    Madison stands with the families of Abundant Life community. This page is dedicated to connecting victims and the broader community to resources and accurate information about the tragic events that happened on December 16.

City street leading towards the Wisconsin Capitol Building in the distance, with cars driving and parked on the street, flanked by full, green trees.
Clerk's Office

Daim Ntawv Kuaj Xyuas Txog Daim Ntawv Tso Cai Dej Cawv

Ua Ntej Koj Yuav Thov

Ua ntej koj tuaj rau hauv qhov kev thov no, txais cov no thiab nqa nrog koj:

Kauj Ruam Ib: Daim Ntawv Thov Kev Tso Cai

Tej yam uas peb yuav tsum muaj

  • Daim ntawv thov uas tau ua tiav hlo lawm. Yog tias koj hla cov lus nug ntawm daim foos, koj yuav tsum ua kom tiav nyob rau hauv peb lub chaw ua hauj lwm.
  • Daim foos thov ntawm Cov Sawv Cev Muag Dej Cawv/Npias (lawv yuav tsum yog neeg nyob rau hauv WI)
  • Luam Daim Duab ID uas Muaj Daim Duab ntawm Lub Koom Haum Sawv Cev Muag Dej Cawv/Npias
  • Ua pov thawj tias Cov Sawv Cev Muag Dej Cawv/Npias tau txais kev cob qhia uas tus laub dej cawv rau cov neeg hauv ob lub xyoos dhau los
  • Daim (cov) foos Soj Ntsuam Keeb Kwm Yav Dhau Los rau cov tswv uas tsis yog Tus Neeg Sawv Cev Muag Dej Cawv/Npias
  • Luam txhua tus tswv daim duab ID
  • Luam koj daim ntawv cog lus xauj tsev – peb tab tom nrhiav tus neeg xauj tsev kom zoo ib yam li lub npe lag luam
  • Txoj Phiaj Xwm Ua Txheej (qhov no tuaj yeem yog daim duab kos uas yog siv tes dawb tes npliag kos raws li tus kws kos duab txoj phiaj xwm saib)
  • Qauv piv txwv
  • Txoj phiaj xwm lag luam

Cim Tseg

Koj cov lus teb rau nqe lus nug 11 yuav muab luam tawm rau koj daim ntawv tso cai raws li koj "thaj chaw uas tau txais kev tso cai."

Cov neeg thov chav B yuav tsum kwv yees feem pua ​​ntawm tag nrho cov khoom muag xws li dej cawv thiab khoom noj.

Hnub kawg ntawm kev xa siv tau rau txhua tus.

Cov ntawv thov ua tsis tiav yuav tsis raug soj ntsuam. 

Kauj Ruam Ob: Tom Qab Uas Koj Xa Daim Ntawv Thov

Daim Paib Xim Daj

  • Lub Chaw Hauj Lwm Tus Lis Ntaub Ntawv Hauv Nroog yuav muab daim paib xim daj rau koj txhawm rau muab tshaj tawm. Qhov no yuav qhia rau pej xeem paub txog koj lub app thiab cov ntaub ntawv sib tham.
    • Sau hnub tim ntawm koj cov ntaub ntawv sib tham nyob rau hauv qhov chaw tsim nyog ua ntej koj tshaj tawm.
    • Daim paib xim daj yuav tsum tau muab tshaj tawm rau hauv peb hnub ntawm kev thov rau koj daim ntawv tso cai.

Cov Ntaub Ntawv Sib Tham

  • Tuav ib lub rooj sib tham txog cov ntaub ntawv yam tsawg kawg ib lub lim tiam ua ntej txog lub rooj sib hais rau pej xeem ALRC.
  • Tuav cov ntaub ntawv sib tham ntawm lub vev xaib, yog tias ua tau. 
  • Cia sij hawm kom ntau txaus rau cov neeg tuaj koom txhawm rau los tshab yuas koj txoj phiaj xwm ua lag luam thiab nug cov lus nug.
  • Koj yuav tsum qhia rau Tus Thawj Saib Xyuas ntawm koj qhov chaw ua lag luam txog lub sij hawm thiab qhov chaw ntawm koj cov ntaub ntawv sib tham. 

Cov Kev Sib Tiv Tauj Ua Ntej ALRC

Kev ua tsis tau cov kev sib tiv tauj no ua ntej lub rooj sib tham ALRC yuav ncua koj daim ntawv thov.

  • Koj yuav tsum tiv tauj rau Tub Ceev Xwm Saib Xyuas.
  • Koj yuav tsum tiv tauj rau Lub Koom Haum Hauv Ib Cheeb Tsam.
  • Koj yuav tsum tiv tauj rau Tus Thawj Saib Xyuas. 
  • Koj yuav tsum tiv tauj rau Tus Lwm Thawj Saib Xyuas Hauj Lwm nrog cov hnub tim uas koj tau tiv tauj rau saum toj no.

Ceeb toom rau Pej Xeem

  • Tus Lis Ntaub Ntawv hauv Lub Chaw Hauj Lwm tau tshaj tawm tsab ntawv ceeb toom kev cai lij choj.
  • Lub Chaw Hauj Lwm Tus Lis Ntaub Ntawv Hauv Nroog xa cov ntawv xov xwm mus rau cov neeg nyob hauv thiab cov tswv tsev nyob deb ib ncig li 300 fij ntawm qhov chaw tau thov los tsim tsa.  

Kauj Ruam Peb: Lub Rooj Sib Tham ntawm Cov Pawg Thawj Muab Kev Txiav Txim Tshab Xyuas Daim Ntawv Tso Cai Dej Cawv

Tej zaum koj kuj yuav muaj ib tug kws pab txhais lus rau hauv lub rooj sib tham ntawm Cov Pawg Thawj Muab Kev Txiav Txim Tshab Xyuas Daim Ntawv Tso Cai Dej Cawv (Alcohol License Review Committee, ALRC)  Yog tias koj xav tau tus neeg txhais lus, ceeb toom rau Tus Lis Ntaub Ntawv hauv Lub Chaw Hauj Lwm ua ntej hnub Friday ua ntej lub rooj sib tham. Koj tuaj yeem qhia kom pom tias koj puas xav tau ib tug kws pab txhais lus nyob rau ntawm thawj phab vev xaib ntawm koj daim ntawv thov.

Thaum koj tuaj rau hauv ALRC lub rooj sib tham, koj yuav sau npe qhia paub tias koj tuaj yeem hais tau. Ib tug neeg uas yog los ntawm Tus Lis Ntaub Ntawv hauv Lub Chaw Hauj Lwm yuav nyob ntawd txhawm rau yuav los teb cov lus nug.

  • Thaum pib ntawm lub rooj sib tham nrog cov thawj muab kev txiav txim yuav pov npav rau cov nqe lus muab los sib tham txog kev pom zoo. Cov no yog cov nqe lus uas xav kom dhau yam tsis muaj kev tshuaj xyuas los sis lus nug. Yog tias koj daim ntawv thov tsis suav nrog cov nqe lus muab los sib tham txog kev pom zoo, koj yuav tsum nyob twj ywm txhawm rau los teb cov lus nug uas yog los ntawm cov thawj muab kev txiav txim. Feem ntau lawm pawg muab kev txiav txim yuav siv cov nqe lus uas xav tau tus kws pab txhais lus thaum pib ntawm lub rooj sib tham.
  • Yog tias koj daim ntawv thov nyob rau hauv lub ncauj lus sib tham txog kev pom zoo, ces koj tuaj yeem tawm tau yam ywj pheej thaum pawg muab kev txiav txim lees txais lub ncauj lus sib tham txog kev pom zoo.
  • Yog tias koj tsis paub tias koj daim ntawv thov puas nyob rau hauv lub ncauj lus sib tham txog kev pom zoo, ces kuaj xyuas nrog Lub Chaw Hauj Lwm Tus Lis Ntaub Ntawv Hauv Nroog cov neeg ua hauj lwm ntawm lub rooj sib tham.
  • Txawm hais tias koj xav tias koj cov nqe lus raug lees paub kom dhau ALRC, nws yog ib qho tseem ceeb txhawm rau kom muaj ib tus neeg ntawm lub rooj sib tham. Yog tias ib tug tswv cuab ntawm cov thawj muab kev txiav txim muaj lus nug uas yuav nug txog koj daim ntawv thov thiab tsis muaj leej twg nyob ntawd txhawm rau los teb lawv, koj daim ntawv thov yuav raug ncua mus txog rau ALRC lub rooj sib tham tom ntej.

Tus Sawv Cev Muag Dej Cawv/Npias yuav tsum tsim nyog nyob rau ntawm ALRC lub rooj sib hais rau pej xeem.  Lwm tus neeg sawv cev ntawm koj lub tuam txhab tuaj yeem tuaj koom tau nrog lub rooj sib tham yog tias Tus Sawv Cev Muag Dej Cawv/Npias tsis tuaj yeem koom nrog tau. ALRC yuav tsis ua raws li koj daim ntawv thov yog tias tsis muaj leej twg tuaj teb cov lus nug.

Yog tias ALRC pom zoo koj daim ntawv tso cai, koj daim ntawv thov yuav raug muab xa mus rau Pawg Thawj Coj Muab Kev Txiav Txim txhawm rau kom pom zoo zaum kawg.

Tau txais koj daim ntawv tso cai ua ntej

Yog tias koj xav tau koj daim ntawv tso cai sai li sai tau, koj tuaj yeem tau txais Daim Ntawv Tso Cai Ib Ntus ua ntej tso:

  • ALRC yuav tsum pom zoo rau koj daim ntawv thov.
  • Hluav Taws Kub Hnyiab, Kev Noj Qab Haus Huv, Kev Tshuaj Xyuas Vaj Tsev, thiab Kev Faib Chaw yuav tsum kos npe rau ntawm koj daim ntawv thov.
  • Koj yuav tau them rau daim ntawv tso cai ua xyoo.
  • Daim Ntawv Tso Cai Ib Ntus yuav muaj tus nqi ntxiv li $15.00.

Kauj Ruam Plaub: Kev Pom Zoo Ntawm Pawg Thawj Coj Muab Kev Txiav Txim

Pawg Thawj Coj Muab Kev Txiav Txim uas muab koj daim ntawv tso cai tsis raug cai kom txog rau thaum Tus Tswv Kav Nroog kos npe rau cov kev lis.

Ua ntej koj daim ntawv tso cai tuaj yeem muab tau, koj yuav tsum:

  • Hu, teem caij thiab hla dhau Lub Nroog Kev Kuaj Xyuas: 
    • Lub Tuam Tsev Hauj Lwm ntsig txog Kev Noj Qab Haus Huv (Health Department)
    • Lub Tuam Tsev Hauj Lwm ntsig txog Hluav Taws Kub Hnyiab (Fire Department)
    • Lub Tuam Tsev Hauj Lwm ntsig txog Kev Tshuaj Xyuas Vaj Tsev (Building Inspection Department)
    • Lub Tuam Tsev Hauj Lwm ntsig txog Kev Faib Chaw (Zoning Department)

Kauj Ruam Tsib: Tom Qab Ua Tiav Qhov Kev Tshuaj Xyuas

  • Them tus nqi uas yog tus nqi tshwj xeeb rau koj daim ntawv tso cai.

Thaum Koj Muaj Koj Daim Ntawv Tso Cai

Kev Rov Txuas Hnub Nyoog

Daim ntawv thov txuas hnub nyoog yog yuav raug xa hauv chaw xa ntawv hauv Lub Peb Hlis Ntuj Tim 1. Yuav tau them nyiaj nyob rau lub Plaub Hlis Ntuj 15 hauv txhua xyoo, tsis hais yuav tau txais thawj daim ntawv tso cai thaum twg los xij. Qhov chaw sau cov ntawv txuas hnub nyoog tom qab lub plaub Hlis Ntuj Tim 15 yuav tsum tau them li $250 yog tias xa qeeb.

Hloov Pauv Koj Qhov Chaw

Koj qhov chaw tau txais ntawv tso cai tsis tuaj yeem ntxiv sij hawm los sis hloov pauv yam tsis tau txais kev pom zoo los ntawm Pawg Thawj Coj Muab Kev Txiav Txim. Daim ntawv thov hloov pauv Qhov Chaw Muaj Ntawv Tso Cai yuav tsum muaj rau txhua lub khoos kas hloov kho, kev nthuav dav ntawm thaj chaw uas koj yuav ua hauj lwm los sis khaws cawv, los sis hloov pauv cov xwm txheej ntawm koj daim ntawv tso cai. Tiv Tauj rau Tus Lis Ntaub Ntawv hauv Lub Chaw Hauj Lwm kom paub ntau ntxiv.

Nplooj ntawv no puas pab tau koj?

Licenses & Permits