Lub Nroog Khiav Lub Khoos Kas Txhawm Rau Kev Sib Txuas Lus thiab Muab Vaj Huam Sib Luag
posted
Enoch Melgarejo thiab Holly Chen tau koom nrog Lub Chaw Hauj Lwm Txog Cai Pej Xeem xws li Kev Sib Txuas Lus hauv nroog Madison yog lub Khoos Kas Sib Txuas Lus Tshiab, ib ntawm ob peb lub khoos kas zoo li no nyob hauv nroog.
Mayor Satya Rhodes Conway tau hais tias“Peb xav kom tag nrho cov neeg ib txwm nyob thiab cov tuaj saib tuaj yeem koom tau ntau cov kev pab cuam thiab cov khoos kas uas nroog tau muaj,”. “Peb xav tau cov lus teb los ntawm tag nrho cov neeg hauv zej zog txog cov kev pab cuam hauv Nroog, thiab qhov lawv xav tau. Lub Khoos Kas Rau Zej Zog Sib Txuas Lus tau nthuav dav thiab tsim kho peb cov hauj lwm kom nkag rau cov lus hais thiab ua kev koom nrog mus raws qhov tseeb thiab muaj vaj huam sib luag.”
Holly thiab Enoch yuav ua hauj lwm pab txhawm rau cov koom nrog lub zej zog uas muaj teeb meem txog lus hais thaum nws nkag mus rau Lub Nroog cov kev pab cuam. Cov Txuas Lus yuav pab cov neeg tsis muaj tus sawv cev, siv txoj kev txuas lus los xaiv thiab raug raws kev cai, ua ke ntawv ua kom cov neeg koom nrog thiab cov ua hauj lwm Hauv nroog sib nkag siab. Feem ntau ntawm cov kev pab cuam txhais lus thiab txhais ntawv rau tag nrho txhua hom lus nws yuav tau qhia rau tus muab kev pab cov kev pab cuam kom muaj ntawv cog lus.
Dhau ntawm lus Askiv lawm, peb hom lus uas cov zej zog hauv Madison yog lus Mev, Hmoob, thiab lus Suav. “Kristy Kumar, Tuam Thawj Chaw Hauj Lwm Txog Txoj Cai Pej Xeem, Kev Muaj Vaj Huam Sib Luag thiab Muab Kev Ncaj Ncees Rau Zej Tsoom tau hais tias ”Peb tau mloog cov tswv cuab ntawm zej tsoom txoj kev los hloov kev sib tham kom muaj kev hloov pauv. “Tus qauv no yuav ua rau Tus Neeg Txuas Lus tsim txoj kev sib ntseeg rau cov tswv cuab uas tau muaj teeb meem txog kev nkag rau lus hais thiab nug lawv qhov xav tau thiab lawv xav tau peb txhawb nqa li cas, los mus hloov tej cai uas tsis siv lawm.”
Enoch, Yog Tus Neeg Txuas Ua Lus Mev thiab Holly, Yog Tus Neeg Txuas Ua Lus Suav, yuav tau sib txuas Lus Nrog Tus Hais Lus Hmoob uas ziag no tseem tab tom nrhiav.
Holly yug nyob Suav Teb thiab Tau tuaj nyob hauv Madison nrog nws tsev neeg thaum nws muaj yim xyoo. Nws tau kawm tiav B.A ntawm tsev kawm UW-Whitewater. Nws tau ua hauj lwm nyob Chaw Hauj Lwm Txog Cai Pej Xeem thaum Lub Peb Hlis 2020 thiab lub luag hauj lwm yog txhais lus Suav rau Cov Nroog Hauv Madison. Holly muaj kev zoo siab heev li thaum nws pab tau cov neeg tsis paub ntaub ntawv mus rau qhov sib txuas tau lus. Nws zoo siab heev qhov nws muaj lub luag hauj lwm ua Tus Neeg Txuas Lus, thiab yuav tau pab rau nws zej zog txuas mus ntxiv. Thaum nws so, nws nquag mus dhia ncig nroog cuam Tais Ya (Ultimate Frisbee), nrhiav lub tsev noj haus uas qab tshaj txuas ntxiv, los sis dhia ncig nws lub tseg nrog nws tus dev.
Enoch yog neeg Xalapa, Vercruz, Mexico thiab tau kawm tiav nyob Tsev Kawm Vercruzana. Nws yog ib tus neeg nyiam txhawb nqa cov neeg loj kawm ntawv thiab tsim kho kev ua hauj lwm rau cov neeg kawm ntawv tau zoo thiab pab cov neeg tsis muaj caij nyoog tau kawm ntawv. Nws tau tshawb fawb txog kev cai, kev nyob thiab kev noj haus ntawm Mexico nrog nws tus poj niam rau ntawm Pueblitos Mágicos hauv Mexico. Nws yog ib tus neeg nyiam saib yeeb yaj kiab, twv txiaj huab tais, thiab nyiam tsiaj.
Xws Li Ib Lub Nroog, peb paub tias peb yuav tsum tsim kho kev sib haum xeeb ntawm peb nrog lwm tus neeg uas nyob hauv Madison raws txoj kev xaiv los sis ib puag ncig. Lawv tau muaj kev koom tes nrog ntawm txoj kev muaj nyiaj thiab zej zog muaj lub neej zoo thiab peb cog lus tias txoj kev sib txuas lus thiab kev ib txwm nyob ntawm lawv yuav tau mloog thiab ntaus nqi siab. Peb zoo siab heev uas tau muaj kev pab txog kev nkag rau lus hais thiab sib txuas lus no tuaj yeem muaj txiaj ntsig thiab zoo li nyob hauv tsev.
Links
Images
Cov Feem Hauj Lwm:
