Kev Coos Chaw Nkaum Tshav Nkaum Nag
Goodman Pool muaj ob lub chaw nkaum tshav nkaum nag uas tuaj yeem coos tau thiab nyob rau hauv cheeb tsam ntawm Lub Pas Ua Luam Dej. Txhua lub chaw muaj cov rooj noj mov ntau lub thiab muaj chaw nkaum tshav nkaum nag rau yog tias koj muaj neeg tuaj mus tsis coob heev. Txhua lub chaw nkaum tshav nkaum nag yuav muab kev pab cuam nyob rau tib qhov chaw, uas yuav muab kev pab cuam leej twg thov ua ntej ces tau txais ua ntej. Thov saib cov neeg ua hauj lwm. NCO TSEG: Cov nqi xauj chaw nkaum tshav nkaum nag tsis suav nrog tus nqi xauj Pas Ua Luam Dej.
Cov Ntaub Ntawv
- Kev xauj tsev siv tau li 1.5 teev thaum lub sij hawm ua luam dej ua si.
- Ntim tau ntau tshaj plaws yog 30-45 leeg saib raws li lub chaw nkaum tshav nkaum nag.
- Cov nqi xauj chaw nkaum tshav nkaum nag tsis suav nrog tus nqi xauj Pas Ua Luam Dej hauv txhua hnub.
- Qee hnub los sis qee sij hawm yuav puv tag li lawm vim tias xauj rau ua lwm yam lawm.
- Them nyiaj thaum ua kev coos nrog nyiaj ntsuab, nyiaj tshav los sis npav khes div.
- Tsis pub siv txoj hlua roj hmab (silly string), piñatas los sis confetti.
- Tsis pub muaj kab lwg: Koj muaj lub luag hauj lwm los ua kev tu cheeb tsam koj nyob ua ntej yuav tawm mus. Cov neeg ua hauj lwm muaj cai los sau nqi rau qhov kev tu los sis kev puas tsuaj.
- Tus nqi kev tu/kev puas tsuaj: $50 hauv ib teev. Nqi khoom + yam tsawg kawg nkaus ib teev, yog tias tsim nyog.
Txoj Cai Kev Muab Ncua Tseg thiab Huab Cua Phem
- Yuav tsis kev them nyiaj rov qab tsis hais yuav yog kev ncua tseg uas tau ua yam tsawg dua 7 hnub ua ntej hnub muaj qhov xwm txheej ncua tseg no.
- Kev ncua tseg los sis cov hloov pauv rau qhov kev coos uas tau ua los ua ntej 7 hnub los sis ntau dua ntawm ua ntej hnub muaj qhov xwm txheej ncua tseg no yuav raug them rov qab li $10 ntawm tus nqi tag nrho.
- Yog tias qhov xwm txheej raug muab ncua tseg vim huab cua tsis zoo los sis lub pas dej muab kaw lawm, ces Madison Parks yuav ua txhua txoj hauv kev rov los ua kev teem sij hawm tshiab rau koj qhov kev coos yam tsis tau them nqi ntxiv los sis yuav them tus nqi rov qab tag nrho.
Khoom Noj thiab Khoom Haus
- Cov khoom coj tuaj muag yuav muaj tus nqi nyob raws tus qauv.
- Tso cai rau siv tshuab tso kom txias thiab yuav tsum muab khaws cia rau hauv cheeb tsam ntawm lub chaw nkaum tshav nkaum nag.
- Tso cai rau tuaj yeem nqa tau zaub mov noj thiab dej haus thiab yuav tsum muab khaws cia hauv cheeb tsam ntawm lub chaw nkaum tshav nkaum nag.
- Txhua yam zaub mov noj thiab dej haus yuav tsum tau noj nyob rau hauv cheeb tsam ntawm lub chaw nkaum tshav nkaum nag. Tso cai rau siv dej tau nyob thoob plaws hauv qhov chaw nkaum tshav nkaum nag.
- Tsis pub muaj dej cawv.
- Tsis pub muaj hwj iav.
Tus Nqi
- $50: Lub Chaw Nkaum Tshav Nkaum Nag Kegonsa - nyob ze laj kab
- Cov rooj zaum noj mov muaj xws li: 7 lub rooj zaum kheej-kheej, 1 lub rooj plaub fab thiab 1 lub rooj ntseg
- Ntim neeg tau coob tshaj plaws: 30 leej
- $75: Lub Chaw Nkaum Tshav Nkaum Nag Mendota - nyob ze kiag rau ntawm lus pas dej
- Cov rooj zaum noj mov muaj xws li: 8 lub rooj zaum kheej-kheej, 1 lub rooj plaub fab thiab 1 lub rooj ntseg, 1 lub rooj qis
- Ntim neeg tau coob tshaj plaws: 45 leej
Cov Lus Nug
Email rau Shane Martin, Tus Cev Ncauj Lus Rau Lub Khoos Kas ntsig txog Chaw Da Dej thiab Chaw Ncig Ua Si los sis hu rau (608) 266-4195.
